Gestastofa

Verið velkomin í Reykholt, einn sögufrægasta stað landsins. Sagnaritarinn, fræðimaðurinn og höfðinginn Snorri Sturluson settist að í Reykholti 1206 og var veginn þar haustið 1241.

Snorrastofa veitir ferðamönnum fræðslu í Gestastofu gegn hóflegri þóknun, sjá verðlista. Inngangur er á jarðhæð Reykholtskirkju — Snorrastofu, gengið inn frá stóra bílaplaninu að framan.

Í gestastofu er rekin ferðamannaverslun með íslensku handverki, bókum um Snorra og miðaldir og íslenskri tónlist.

Fræðsla Snorrastofu felst í sýningu á 5 tungumálum um Snorra Sturluson og miðaldir, og leiðsögn um sögu og menningu staðarins. Tekið hefur verið í notkun leiðsangarappið „Snorri“, sem gestum býðst að hlaða niður í snjalltæki sín og nota á sýningunni jafnt sem úti á göngu um staðinn.

Boðnar eru lifandi kynningar, styttri og lengri, sem hrífa áheyrendur og skapa nýja vídd upplifunar. Þær fara fram á íslensku, norrænum málum, ensku eða þýsku. Kynningar af þessu tagi þarf að panta fyrirfram.

Við leggjum áherslu á persónulega þjónustu og hlökkum til að sjá þig í Reykholti.

Myndband, unnið fyrir Menningarráð Vesturlands árið 2014

Verðlisti þjónustu Gestastofu

Opnunartímar Gestastofu

1.maí – 31. ágúst daglega kl. 10 – 17

1.sept. – 30. apríl
virka daga kl. 10 – 17

Á öðrum tímum eftir samkomulagi.