Íbúðir fyrir fræði- og listamenn

Stofnunin hefur til umráða gistirými með góðri vinnuaðstöðu fyrir fræði- og listamenn. Dvölinni fylgir aðgangur að interneti, bókhlöðu, með almennri vinnuaðstöðu.

Umsækjendur, sem fást við verkefni er snerta Snorra Sturluson, íslenskar miðaldir eða sögu og menningu Borgarfjarðar, njóta forgangs.

Í umsókn, sem sendist skriflega eða rafrænt til Snorrastofu, þarf að koma fram auk almennra upplýsinga um umsækjanda, að hverju viðkomandi hyggst vinna og hvaða tímabil sé heppilegast.

Senda umsókn

Verðskrá

Gestaíbúð

Vika  45.000 kr.
Viðbótarvika 20.000 kr.

Herbergi í gamla héraðsskólahúsinu

Tveggja manna studioherbergi með baði,  og aðgangi að eldhúsi og stofu

Vika 30.000 kr.
Viðbótarvika 15.000 kr.

Ódýr herbergi fyrir fræðimenn og námsmenn í Héraðsskóla, sameiginlegt salerni, sturta og eldhús.

Turn,  2 rúm: 25.000 kr. vikan

Skólastjóraherbergi,  2 rúm: 20.000 kr. vikan

Vigfúsarherbergi,  1 rúm: 15.000 kr.vikan

Leiguskilmálar

1. Umsækjendur
   Gistirými Snorrastofu er ætlað innlendum og erlendum fræði- og listamönnum. Þeir njóta forgangs sem fást við þýðingar og rannsóknir á verkum Snorra Sturlusonar, íslenskum miðöldum og sögu og menningu Borgarfjarðar.
2. Aðstaða
   Um er að ræða hæð og loft undir súð, samtals 88,5 fermetrar. Á hæðinni er stofa, eldhúskrókur, eitt svefnherbergi og baðherbergi, en á loftinu er vinnuaðstaða fyrir tvo og gistiaðstaða fyrir einn. Í íbúðinni eru nauðsynlegustu húsgögn, elhúsáhöld, rúmföt og ræstibúnaður. Á baðherbergi er þvottavél. Þá er í öðrum hluta húsnæðis Snorrastofu bókasafn og vinnuaðstaða annarra gesta og starfsmanna Snorrastofu.
3. Leiguskilmálar
   Íbúðin er ekki leigð skemur en eina viku í senn. Leigan miðast við hádegi mánudag og til kl 17 sunnudag. Ekki lengur en til þriggja mánaða í senn. Í leigu er innifalinn kostnaður vegna hita, rafmagns og þráðlauss netsambands. Leiga skv. verðskrá greidd fyrirfram við bókun. Framleiga er ekki heimil.
4. Umsóknir
   Sækja skal um dvöl í fræðimannsíbúðinni skriflega.  Í umsókn þarf að koma fram auk almennra upplýsinga um umsækjanda, að hverju viðkomandi hyggst vinna og hvaða tímabil sé heppilegast. Umsókn sendist annað hvort til forstöðumanns Snorrastofu eða sviðsstjóra Snorrastofu.

5. Sambýlið við Snorrastofu
   Gestum ber að taka tillit til sambýlisins við aðra vinnuaðstöðu í húsinu og skrifstofur stofnunarinnar og gæta þess að vinnufriður haldist. Húsið skal ætíð vera læst þegar skrifstofa stofnunarinnar er lokuð.
6. Afhending lykla
   Leigutaki skal hafa samband við skrifstofu Snorrastofu með fyrirvara svo unnt verði að ganga frá leigusamningi og ákveða tíma fyrir afhendingu á lyklum.
7. Frágangur
   Leigutakar og gestir þeirra skulu ganga vel um íbúðina og skila í sama ásigkomulagi og þeir tóku við henni. Þrífa skal allt í eldhúsi, þar með talið ísskáp og eldavél, og ganga frá leirtaui . Baðherbergi skal þrífa vel, þurrka af húsgögnum, strjúka yfir gólf. Taka skal af rúmum og setja notaðan rúmfatnað, handklæði og diskaþurrkur í baðkar. Allt rusl skal setja í plastpoka áður en því er hent og ekki má safna því saman innan dyra lengi. Ekki er leyfilegt að hafa húsdýr í íbúðinni.
8. Ábyrgð leigutaka
   Leigutaki ber ábyrgð á öllum búnaði í íbúðinni á meðan á dvöl hans stendur og skuldbindur sig til að bæta tjón sem verða kann af hans völdum eða þeirra sem dvelja á hans vegum í íbúðinni á dvalartímanum.