Fyrsti fyrirlestur ársins í Snorrastofu, þriðjudaginn 21. janúar,  tókst í alla staði vel. Tíðin hefur verið þannig það sem af er árinu, að mannamót hafa þurft að láta í minni pokann fyrir veðri og færð. Fyrirlestradagurinn var kyrr lengi framan af og ekki fór að hvessa fyrir alvöru fyrr en samverustundinni í Bókhlöðunni var lokið. Sr. […]

Vegna veðurútlits mánudaginn 13. janúar, verður námskeiðskvöldi um Sturlu Þórðarson og Sturlungu, sem vera átti í Reykholti, frestað. Þess í stað verður kvöld dr. Úlfars um mynd Sturlu Þórðarsonar af Snorra föðurbróður sínum, mánudagskvöldið 9. mars næstkomandi á sama tíma. Annað óbreytt að svo stöddu.

Snorrastofa verður lokuð frá og með 20. desember 2019 til og með 1. janúar 2020. Opnað verður aftur fimmtudaginn 2. janúar.

Bókavörður bókhlöðunnar tekur nú upp fjölbreytt úrval jólabóka og bíður eftir að lána þær út. Fimmtudaginn 12. desember verður Prjóna-bóka-kaffi kl. 20 og þá er upplagt að nota ferðina, eiga notalega stund með samferðafólkinu og hafa með sér bók á náttborðið. Verið öll velkomin.