Salurinn tekur allt að 60 manns í sæti við borð, en 100 manns í sæti án borða (bíó-uppröðun). Í salnum er hljóðkerfi, skjávarpi og sýningartjald. Hann hentar ágætlega til mannamóta og veisluhalda. Með léttum veitingum rúmar hann allt að 130 manns standandi.

Aðstaða í eldhúsi fylgir. Þar er er ísskápur, eldavél, bökunarofn, stór kaffikanna og uppþvottavél. Leirtau fyrir kaffi og léttar veitingar fyrir 80 manns

Í Héraðsskólahúsi eru 2 herbergi auk stúdíóherbergja með aðstöðu fyrir smærri fundi eða hópa, 10-12 manns í hverju herbergi. Hægt er að leigja fundaraðstöðuna og stúdíóherbergin saman. Þannig má hýsa 4 gesti í herbergjum með snyrtingu og sturtu og 2 til viðbótar í gestaherbergi án sér-snyrtingar.

Í bókhlöðu er hægt að halda 25 manna fundi við borð, en einnig fundi eða fyrirlestra fyrir um 70 áheyrendur. Þar er hljóðkerfi, sýningartjald og skjávarpi. Þessi aðstaða er aðeins leigð við sérstakar aðstæður.

Safnaðar- og sýningarsalur

Sýningar- og safnaðarsalur er á jarðhæð undir Reykholtskirkju. Þar er sýningin Saga Snorra, sem starfsmenn Snorrastofu annast og veita leiðsögn um. Salurinn er notaður fyrir gesti Reykholtskirkju-Snorrastofu og ekki leigður út til almennra nota nema við sérstakar aðstæður.