Sunnudaginn 1. desember kl. 16 flytur Guðni Th. Jóhannesson fyrirlestur í Snorrastofu í Reykholti, sem ber yfirskriftina  „Stjórnarmyndanir á Íslandi frá upphafi til okkar daga. Stutt yfirlit“. Fyrirlesturinn, sem er hluti af fyrirlestraröðinni „Fyrirlestrar í héraði“, er öllum opinn og er aðgangur ókeypis.

Í erindinu verður farið yfir stjórnarmyndanir á Íslandi eftir kosningar og stjórnarslit í tímans rás. Rætt verður um ýmis álitamál sem kunna að vakna á þeim tímamótum með hliðsjón af sögu og hefðum, stjórnskipun og tíðaranda samtímans.

Guðni er prófessor við Háskóla Íslands og var forseti Íslands 2016‒2024.

Fyrirlesturinn er styrktur af Uppbyggingarsjóði Vesturlands.