Í kvöld, þriðjudaginn 3. október verður sýnd kvikmynd  um Snorrahátíðina 1947. Kvikmyndin  var unnin á Kvikmyndasafni Íslands fyrir Snorrastofu og stendur saman af gömlum myndbrotum frá Snorrahátíð 1947 í Reykholti og lýsir einnig för norsku gestanna sem hingað komu fyrir 70 árum. Hátíðarhöldin í framhaldi af Snorrahátíð í Reykholti stóðu í heila viku. Myndin er þögul en Óskar Guðmundsson rithöfundur kynnir efnið og segir frá því sem fyrir augu ber. Hlustað verður á brot af útsendingu Ríkisútvarpsins frá hátíðinni, sem varðveist hefur.

Umræður og kaffiveitingar.

Aðgangur kr. 500

Verið velkomin