William Morris

Þriðjudaginn 24. mars 2020 var fyrirhugað að Sigríður Björk Jónsdóttir byggingalistafræðingur flytti erindi um William Morris og ferðir um söguslóðir á Íslandi.

Þessum fyrirlestri hefur nú verið frestað vegna veirufaraldurs, sjá fréttatilkynningu...

Í fyrirlestrinum verður fjallað um ferðalög William Morris á Íslandi árin 1871 og 1873 með áherslu á fyrri ferð hans um söguslóðir Vesturlands meðal annars í Reykholt þar sem hann hafði viðkomu. Skoðað verður hvaða áhrif fornsögurnar og íslenskt bændasamfélag hafði á kenningar hans um listina og hlutverk hennar í samfélaginu, og þá ekki síst baráttu hans fyrir betra lífi.

Sigríður Björk Jónsdóttir, hefur lokið BA prófi í sagnfræði og mannfræði við Háskóla Íslands,  MA prófi í byggingarlistasögu við háskólann í Essex í Englandi (History and theory of architecture and design) og MBA gráðu við Háskólann í Reykjavík. Samhliða starfi sínu sem sérfræðingur á sviði aðalskipulags á Skipulagsstofnun, stundar hún nám í Skipulagsfræðum við Landbúnaðarháskóla Íslands. Sigríður Björk starfaði í Snorrastofu árin 2003-2006 og er því ánægjulegur gestur í ræðustól.

Myndasafn