Collegium Musicum er einn af fremstu tónlistarshópum sem starfandi eru í  Bergen þar sem saman koma atvinnu- og áhugatónlistarmenn. Hópurinn sem var stofnaður árið 1978 af prófessor Jan Christensen árið samanstendur af 80 manna kór og hljómsveit. 

Á efnisskrá Collegium Musicum eru fyrst og fremst þekkt sígild kórverk,  en hún nær einnig til rómantískrar, nútíma- og samtímatónlistar. Hópurinn leggur áherslu á að endurnýja hefðina með því að kynna og panta ný verk, þar á meðal eru tvö verk eftir norsku tónskáldin Knut Vaage og Torstein Aagaard-Nilsen sem voru gefin út á geisladiski árið 2017. Collegium Musicum starfar einnig með fjölda alþjóðlegra þekktra tónskálda, hljómsveitarstjóra og einsöngvara og hefur í gegnum árin orðið þess heiðurs aðnjótandi að koma fram undir stjórn hljómsveitarstjóra eins og Nicholas Kraemer, Martin André, Edward Gardner, Sir Andrew Davis og Andrew Litton og með einsöngvurum eins og Lise Davidsen, Bryn Terfel, Stuart Skelton, Latonia Moore, Bror Magnus Tødenes og Eldbjørg og Ragnhild Hemsing.  

Collegium Musicum hefur í samvinnu við Fílharmóníuhljómsveit Bergen (BFO) tekið upp nokkra geisladiska sem hlotið hafa mikið lof. Þar er meðal annars um að ræða tónlist eftir Leoš Janáček sem var tilnefnd til Grammy verðlauna, Hector Berlioz, Edward Elgar og Benjamin Britten. Kór Collegium Musicum flutti einnig óperuna Peter Grimes eftir Britten með BFO á rómuðum tónleikum á alþjóðahátíðinni í Bergen og Edinborgarhátíðinni, Óperuhúsinu í Ósló og Royal Festival Hall í London. Upptaka á því verki hlaut Gramophone verðlaunin árið 2021 sem besta sígilda platan.