valmynd

Bergur Þorgeirsson

Forstöðumaður

MA í íslenskum bókmenntum

Fræðasvið  (Sbr. ferilskrá…)

 

Forníslenskar bókmenntir, aðallega fornaldarsögur, rómönsur og Íslendingasögur. Að auki viðtökufræði íslenskra fornrita á Norðurlöndunum og í Bandaríkjunum, m.a. verk Benedikts Gröndals og Henry David Thoreau.

Kjarninn í rannsóknunum er einfarinn, ferðalagið og átök ólíkra menningar- og hugmyndaheima. Viðfangsefnin hafa verið allt frá einfaranum Henry David Thoreau og bókinni Dauði Artemio Cruz eftir Carlos Fuentes til ferðalaga Örvar-Odds, Norna-Gests, Finnboga ramma, Einars Hilsen og Gunnars á Hlíðarenda. Leiðarminnið er staða einstaklingsins í framandi heimi.

Annar mikilvægur þáttur er þróun einstakra fornsagna í tíma og rúmi, m.a. með hliðsjón af textatengslum, textaþróun til forna, samspili kveðskapar og lausamáls og notkun íróníu, paródíu og satíru. Dæmi: Þiðreks saga af Bern, Örvar-Odds saga, Norna-Gests þáttur, Hænsa-Þóris saga, Finnboga saga ramma og eddukvæði.