Cecilie Willoch, sendiherra Noregs á Íslandi, heimsótti Snorrastofu og Reykholt í gær. Naut hún leiðsagnar Óskars Guðmundssonar rithöfundar og ævisagnaritara Snorra um sýningu stofnunarinnar, minjasvæðið og Snorralaug.

Á móti sendiherranum tóku auk Óskars þau Bergur Þorgeirsson, forstöðumaður, Sigrún Þormar, sviðsstjóri miðlunar, og Gíslína Jensdóttir, bókasafnsfræðingur. Þá náði sendiherrann að hitta Katrínu Jakobsdóttir, fyrrverandi forsætisráðherra, er sinnir ritstörfum í fræðimannsíbúð Snorrastofu. Heimsóknin var einstaklega ánægjuleg, enda samvinna Snorrastofu og sendiráðs Noregs mikil í áranna rás.

Myndasafn