Guðni Th. Jóhannesson, fyrrverandi forseti Íslands, flutti sérlega áhugaverðan fyrirlestur í Snorrastofu í Reykholti á fullveldisdeginum 1. desember. Yfirskriftin var „Stjórnarmyndanir á Íslandi frá upphafi til okkar daga“ og reifaði Guðni stjórnarmyndunarviðræður í sögulegu ljósi og lýsti að lokum eigin glímu í því samhengi undanfarin ár, sem var einstaklega fróðlegt áheyrnar. Í kjölfarið gafst tækifæri til að ræða málin nánar í kaffisamsæti í Finnsstofu inn af sýningarsal Snorrastofu. Einn gesta á fyrirlestrinum var María Ágústsdóttir, sem tekið hefur við embætti prests í Reykholti. 

Guðni starfar nú sem prófessor í sagnfræði við Háskóla Íslands og dvelur um þessar mundir í fræðimannsíbúð Snorrastofu við rannsóknir.

Myndasafn