25. febrúar, 2019

Reykholtshátíð tilnefnd til íslensku tónlistarverðlaunanna

Snorrastofa óskar Reykholtshátíð og aðstandendum hennar innilega til hamingju með tilnefningu til íslensku tónlistarverðlaunanna í flokki hátiða.

Á Facebook hátíðarinnar segir:

„20. febrúar 2109

Reykholtshátíð hlaut í dag tilnefningu til Íslensku tónlistarverðlaunanna sem tónlistarviðburður ársins í flokki hátíða. Við erum himinlifandi með tilnefninguna og deilum henni með öllum þeim frábæru listamönnum sem komu fram á hátíðinni og öllum þeim sem á hlýddu og upplifðu. Takk! -o- Reykholt Chamber Music Festival just got nominated to the Icelandic Music Award as Festival of the year! We are both grateful and proud!

Rökstuðningur dómnefndar:

Metnaðarfull tónlistarhátíð á sögufrægum slóðum og fögrum stað með sterkan listrænan fókus. Þar mætast fyrirtaks tónlistarflutningur og jafnvægi milli erlendra sígildra verka og íslenskra tónverka sem sjaldan hafa verið flutt hér á landi. Heildstætt faglegt yfirbragð á hátíð sem vaxið hefur ásmegin með ári hverju að undanförnu.“