6. febrúar, 2020

Námskeiðskvöld með Sverri Jakobssyni

Bergur Þorgeirsson, Kjartan Ragnarsson, Sverrir Jakobsson og Torfi Hjartarson.

Mánudagskvöldið 3. febrúar s.l. safnaðist námskeiðshópur vetrarins á Söguloft Landnámsseturs til að hlýða á Sverri Jakobsson sagnfræðing fjalla um Sturlungu, þætti hennar og höfunda – þekkta og óþekkta. Kvöldið var ánægjulegt að vanda, Sverrir valdi kvöldinu yfirskriftina, Sögustríð á 13. öld og brá upp ýmsum sjónarhornum til að skoða þetta margþætta verk og velta fyrir sér, hver stæði á bak við textann, hvenær og hvaða afstaða birtist þar. Námskeiðið er vel sótt og stundin var gefandi.