Fyrirlestrar í héraði: Landnámabók sem (landa)kort. Nokkrar hugleiðingar

Dr. Emily Lethbridge flytur (á íslensku).

Sólheimajökull, kort frá Emily Lethbridge

Kort af Sólheimajökli, eitt af viðfangsefnum Emily.

Í fyrirlestrinum verður fjallað um Landnámu og þá hugmyndafræði að hlutverki landakorta og bókmennta svipi saman við að koma skipulagi á og halda utan um upplýsingar okkar og þekkingu á  landi og lífi. Hún segir frá nokkrum hugleiðingum sem snúast um að túlka Landnámabók sem landakort eða landabréf, þó sköpuð sé með orðum. Emily hefur rannsakað varðveislu Íslendingasagna í handritum og hvaða hlutverk landslagið leikur í því ferli. Margir minnast hennar þegar hún ferðaðist um landið fyrir nokkrum árum á gömlum sjúkrabíl og vann að rannsóknum sínum.

Emily Lethbridge er doktor í fornbókmenntum frá Háskólanum í Cambridge og starfar um þessar mundir að rannsóknum  við Miðaldastofu Háskóla Íslands og Stofnun Árna Magnússonar í íslenskum fræðum auk þess sem hún sinnir kennslu í miðaldafræðum við Háskóla Íslands.  Rannsóknir hennar snúast um varðveislu Íslendingasagna í handritum og og hvaða hlutverki landslagið gegnir í því samhengi.

Icelandic Saga Map hlaut hagnýtingarverðlaun Háskóla Íslands 2015

Emily Lethbridge vinnur að því að þróa stafræna tólið ‘Icelandic Saga Map’, þar sem öll örnefni í Íslendingasögunum eru tengd korti, og hægt er því að lesa sögurnar út frá landinu. Verkefnið, Icelandic Saga Map, hlaut fyrsta sæti í árlegri samkeppni um Hagnýtingarverðlaun Háskóla Íslands í nóvember 2015 og kortið er aðgengilegt hjá http://sagamap.hi.is.

Væntanlegir viðburðir