Fyrirlestrar í héraði: Uppruni Íslendinga og landnámið.

Helstu kenningar.

Guðmundur G. Þórarinsson verkfræðingur flytur.

Velt verður upp ýmsum spurningum er varðar landnám Íslands, landnámsmenn og uppruna þeirra. Guðmundur hefur gefið út bókina Árdagar Íslendinga, þar sem leitað er svara við spurningum af þessu tagi.

Guðmundur  G. Þórarinsson er byggingarverkfræðingur að mennt, fæddur í Reykjavík árið 1939. Hann starfar sjálfstætt sem verkfræðiráðgjafi.

Hann hefur m.a. verið formaður Verkfræðingafélags Íslands, formaður Sambands fiskeldis- og hafbeitarstöðva, stjórnarformaður Ríkisspítalanna og formaður Byggingarnefndar Listasafns Íslands. Þá var hann um árabil alþingismaður Reykvíkinga og borgarfulltrúi.

Guðmundur var forseti Skáksambands Íslands árið 1972 þegar heimsmeistaraeinvígið í skák milli Bobby Fischer og Boris Spassky var haldið í Reykjavík.

Hann hefur skrifað fjölda greina um leikrit Shakespeare , skák, verkfræði, laxeldi, bókmenntir og stjórnmál. Hann er einn upphafsmanna kenningarinnar um íslenskan uppruna Lewis skákmannanna og skrifað bókina „The enigma of the Lewis chessmen“.  Þá er Guðmundur höfundur bókarinnar „Árdagar Íslendinga“ sem kom út fyrir jólin 2016.

Guðmundur er heiðursfélagi  Verkfræðingafélags Íslands og Skáksambands Íslands.

Boðið verður til kaffiveitingar og umræðna.

Aðgangur er kr. 500.

Væntanlegir viðburðir