Fornsagnanámskeið: Um bókmenntaleg einkenni Íslendingasagna

Landnám Grænlands, fundur Vínlands. Grænlendinga saga og Eiríks saga rauða.

Fimmta kvöld námskeiðsins sem vera átti  í Landnámssetrinu í Borgarnesi  20. febrúar 2018  verður 20. mars.

Leiðbeinandi Örnólfur Thorsson norrænufræðingur.

Um bókmenntaleg einkenni Íslendingasagna, persónur og leikendur, sögusvið, stíl og orðaforða með dæmum úr ýmsum áttum, m.a. úr Vínlandssögum. Örnólfur vinnur nú að formála nýrrar endurbættrar heildarútgáfu sagnanna sem byggir á útgáfu sem gerð var fyrir þremur áratugum og kennd er við Svart á hvítu.

Skráning fer fram á vef Símenntunarmiðstöðvar Vesturlands í Borgarnesi og á námskeiðsstað.

s.: 433-6929 / netfang: simenntun@simenntun.is

Verið velkomin.

Sjá nánar um námskeiðið…

Væntanlegir viðburðir

Helgihald haustsins leggst af í faraldrinum

31. desember 2020
Reykholtskirkja

Vegna reglna um sóttvarnir á tímum faraldurs, fellur helgihald niður í Reykholts- og Hvanneyrarprestaköllum þar til annað verður ákveðið og tilkynnt. Fermingarfræðsla hefst þegar takmörkunum um samkomuhald léttir. Reykholti, 1. nóvember 2020, sóknarprestur. Sími sóknarprests er 893 2320 Netfang srgeir@icloud.is

Hlé á viðburðum í Snorrastofu

31. desember 2020
Bókhlaða Snorrastofu

Vegna Covid-faraldurs hafa fyrirhugaðir og hefðbundnir viðburðir Snorrastofu á haustmisseri 2020 verið felldir niður. Í ljósi smithættu þykir hvorki ráðlegt né nógu öruggt að stefna saman fólki víða að til samveru og samskipta. Hér er átt við Fyrirlestra í héraði, sem fylgt hafa stofnuninni frá upphafi og fornsagnanámskeið sem Snorrastofa hefur staðið að ásamt Landnámssetri […]