Bókakynning með léttum nótum í Prjóna-bóka-kaffinu

Næsta fimmtudagskvöld, 13. desember kl. 20 ber að garði góðan gest í Prjóna-bóka-kaffið okkar, Bjarna Guðmundsson á Hvanneyri. Hann kynnir nýútkomna bók sína, Íslenska heyskaparhætti, og í ljósi árstíðarinnar hefur hann með sér gítar, rabbar ögn um hey og heyskap, jól, kaupakonur… og kannski eitthvað fleira.

Glóðvolgar jólabækurnar bíða lesendanna, heitt verður á könnunni, hannyrðir við hönd – allt skapar notalega baðstofustemningu.

Verið öll velkomin.

Væntanlegir viðburðir